Оқиғалар Айым Ұлтомбаеваны өлтірген қылмыскерге қатысты шешім өзгеріссіз қалды
ШҚО Соты Шар қаласындағы 14 жасар қыздың өліміне қатысты даулы істің нүктесін қойды
Өткен аптада аппеляциялық сот жасөспірімді өлтірген азаматтың жазасын жеңілдету туралы өтінішін қарап шықты. Өскемен қаласы Қылмыстық істер бойынша арнайы ауданаралық соты 24 жасар Шар қаласының тумасы Мақсат Бақашевты 25 жылға қатал режимдегі мекемеде бас бостандығынан айыру туралы шешім қабылдаған болатын. Бірақ апелляцияны облыстық сотқа берген.
Үш судьядан тұратын коллегия үкімді өзгеріссіз қалдырды.
Марқұмның анасы Зимхан Ибраимованың айтуынша, Мақсат Бақашевтың кінәсін дәлелдейтін тағы бір айғақ анықталды. Семей қаласындағы ломбардтардың бірінен Бақашевтың алтын сырға өткізгендігі туралы жазбасы табылған. Бұл сырға Айымға тиесілі болуы мүмкін. Өйткені сырға қылмыс орын алғаннан кейін төрт күн өткен соң өткізілген.