Оқиғалар Құмды заңсыз өндірген ауыл тұрғындарын прокуратура ұстады
Көкпекті ауданының прокуратурасы ауылдың маңында заңсыз өндірген 9 тонна құмды иеленбекші болған ауылдың тұрғындарын ұстады
Құлынжон ауылының екі тұрғынына құрылыс үшін құм қажет болды. Оған ақша төлемеу үшін олар ауылдан 5 км қашықтықта орналақсан карьерге «КАМаз» авокөлігімен барып, 9 тонна сары құмды тиеп алған.
Осы уақытта Көкпекті ауданы прокуратурасының өкілдері рейд шараларын жүргізген. Қмм тиелген машинаны қадағалау органының қызметкері ұстады. Тексеру барысында құмды ауыл тұрғындары заңсыз өндіргені анықталды. Мемлекетке 194 956 теңге залал келтірілді. Аудан прокуратурасы оларға қатысты ҚР ӘҚБтК-нің 139 бабы (жер қойнауына мемлекет меншігінің құқықтарын бұзу) бойынша әкімшілік іс қозғалды. Ауыл тұрғындары залалды ғана өтеп қоймай, сондай-ақ, 50 АЕК мөлшерінде айыппұл төлейтін болады.
