Өскеменде жасырын жезөкшелер үйі жабылды

Олардың Тәуелсіздік даңғылы бойындағы пәтерлердің бірін жалға алып, жасап жүрген қызметтерін қалалық тәртіп сақшылары әшкере етіп, осыған байланысты сот процесі де аяқталды. Жауапқа тартылған үш әйелдің бірі 31 жасар жеңгетай мен диспетчер болып қызмет еткен екі көмекші. Олар өз қоластыларындағы тоғы қыздың қызметін қымсынбастан ұсынып отырған. Қыздар диспетчерлердің нұсқауы бойынша сауна, қонақүйлерге шығып қызмет көрсетіп, тіпті, өздерінің штабпәтерлерінде де қабылдаған. Дәл сол жерде ұйымдастырушыларды ұстау бойынша арнайы операция жүргізілді. Өскемен қаласы №2 сотының үш ұйымдастырушыға шығарған үкімі жеңіл болды. Оларға шартты мерзім берілді. Жеңгетай 3 жыл 6 ай берілсе, ал сыьайластарының әрқайсына 3 жылдан.