Оқиғалар ШҚО-да браконьерлерді ұстау үшін тікұшақ пайдаланды
Ерекше қорғалатын Марқакөл қорығының өңірінен заңсыз балық аулауды ұнататындар қылмыс барысында ұсталды
Табиғатты қорғау мекемесінің үш қызметкерінен тұратын бөлімше – ШҚ облыстық жануарлар әлемі және орман шаруашылығы инспекциясы, әуе орман күзеті табиғатты қорғау полициясы – МИ-8 қызметтік тікұшағымен төтенше ұшып шықты. Топтың қолында болған алдын-ала ақпараттар бойынша, қорық аумағында заң бұзушылар қаруланып жүрген.
Анықталғандай, 9 адамнан тұратын қаскүнемдерге үш күн бақылау жасалған. Қорық күзетшісі жүргізген алғашқы тексерулер үлкен қылмысты көрсетпеген, ермек көріп балық аулап жүргендей көрінген балықшыларға әкімшілік айыппұл жазылып, қорғалатын шаруашылық аумағынан кетулерін сұраған. Балықшылар ақылға көнбей, тура мағынада аспаннан төнетін қатерді күтіп қала берген. Өскеменнен табиғатты қорғау бөлімінен құрылған топ заң бұзушыларды күтпеген жерден ұстады. Қайтадан тексеру барысында браконьерлік әрекеттің фактілері анықталған. Жақсы ұсталған болуы керек. Мәдени демалысты жақсы көретіндердің бес көлігін тексеру барысында табылған екі жүз киллограмм дайын балық өнімі – алдына ала келісім бойынша белгілі топпен бірігіп мемлекетке үлкен көлемде шығын келтіру! Оның 15 кг – тазаланған балық сүбесі.
Жалпы, балықшылардың барлық құралдары, қайықтарының бір бөлігі, ұсталған балықтары тегіс алынып, барлық үрдісті хаттамаға толтырып, көрнекілік үшін бейнеге де түсіріліп алынды. Себебі мемлекетке келтірген шығын көлемі адам басына 100 АЕК-ден асқанда қылмыстық іс жүреді, ал қылмыскерлердің саны 9.
