Облыстан 8 тонна көксерке алып шықпақ болған

Құқық қорғау қызметкерлері тексеріс кезінде жүк көлігінен балық салынған қаптар тапқан. Ал жүргізушіде бұл балықтарға қатысты ешқандай құжаттар болмаған. Кейін ол бұл балықардың өзінікі емес, біреу тапсырыс бергенін айтқан.

         Полиция қызметкерлерінің айтуынша көксеркені браконьерлер ауласа керек. Балықты бұндай көлемде аулауға тыйым салынған, тек кәсіпорындарға ғана жеткізіледі. Мемлекетке келтірілген залал 5 млн теңгеге бағаланды. Балықты тасымалдамақ болған азаматқа қатысты қылмыстық іс қозғалды.

         Жыл басынан бері ШҚО полициясы облыс прокуратурасымен бірлесіп 85 тонна заңсыз ауланған балықты тәркілеген.