Ақтөбеде 13 террористтің көзі жойылып, 8-і іздеуде – ІІМ

- Бүгінгі таңда қарулы қақтығыста шабуыл жасаған 13 қылмыскер өлтіріліп, 4-еуі жараланды, 7-еуі іздестірілуде, - деді Алмас Садубаев.

Бұған дейін 12 лаңкестің көзі жойылып, 9-ы тұтқындалғаны мәлімденген болатын.

Сонымен қатар, Алмас Садубаев Ақтөбедегі бұл түн тыныш өткендігін, кәсіпорындар мен қоғамдық көліктер қалыпты жұмыс істеп тұрғандығын да айтты.

- Ақтөбе қаласында, жалпы республикадағы жағдай бірқалыпты, барлығы бақылауда. Елдің ішкі істер қызметтерінің барлығы күшейтілген тәртіпте жұмыс істеуін жалғастыруда, - деді ол.

Өткен жексенбіде хабарланғандай, Ақтөбеде діни радикалды топ екі қару-жарақ дүкеніне, әскери бөлімшеге шабуыл жасаған болатын. Нәтижесінде алты адам көз жұмып, 38-і жараланды. Олардың көбі әскери қызметкерлер.

Бұл шабуыл террорлық акт деп танылып, Ақтөбеде террористік қауіптіліктің «қызыл» деңгейі жарияланды. Ал бүкіл Қазақстанда 40 тәулікке қауіптіліктің «сары» деңгейі белгіленді.