Оқиғалар Өскеменде бірнеше адамды алдап соққан алаяқ әйел ұсталды
25 жасар бойжеткен тұрғындарға зергерлік бұйымдарын қалпына келтіру жөнінде ұсыныстар айтып алып, қайтармай қойған
Облыс орталығының тұрғыны өз құрбандарын Өскеменнен және жақын аудандардан тауып отырған.
- Тұрғындардың сенімдерін теріс пиғылда пайдаланып, олардың бағалы бұйымдарын алып, қайтармай қойған. Ал бұйымдардың иелеріне жаңартудан кейін, олардың бағалы заттары жаңаланып, бұрынғы бағасынан да қымбат болатындығын айтқан – деп хабарлайды ШҚО ІІД баспасөз қызметі. – Ал оны бірлескен қылмыспен күресу бөлімшесінің қызметкерлері ұстады.
Сырт көзге мейірімді көрініп, әйел адамдардың сеніміне кірген. Мысалы, 32 жасар Глубокое ауданының тұрғыны қайта жаңарту үшін 150 мың теңгелік бұйымын берген. 43 жастағы азаматша 50 мың теңгелік сақинасын, 47 жастағы азаматша – 310 мың теңгені құрайтын бірнеше бұйымын, 55 жасар тұрғын болса, 170 мың теңгеге бағаланған сырғаларын беріп қоя берген.
Қазіргі уақытта полицияға 10 адам шағымданған. Олардың шығыны 1 миллион теңгеден астам қаражатқа бағаланып отыр. 25 жасар күдіктінің үстінен ҚР қылмыстық кодексінің 190 бабы бойынша, қылмыстық іс қозғалды.
