Оқиғалар Ақтөбе облысында әкім адамды қағып өлтірді
Ақтөбе облысындағы ауылдық округ әкімі өз көлімен екі адамды қағып кетті
Фото:
tv29.ru
Біреуі оқиға орында мерт болса, екіншсі ауруханада жатыр. Ақтөбе облысында ауыл әкімі адам қағып өлтірді. Кеңқияқ елді мекенінің басшысы Нұрлыбек Қалмағанбетов жол бойында тұрған екі жігітті көлігімен басып кеткен, деп хабарлайды «КТК телеарнасының сайты».
21 жастағы Әділхан Куанышалин оқиға орнында қаза тапты. Жас жігіт сол жақтағы кәсіпорындардың бірінен тәжірбиеден өтуге барыпты. Бүгін жақындары оны жер қойнына тапсырды. Ал жанында болған серігі Азамат Хасен ауыр жарақатпен ауруханаға түсті. Қазір ем алып жатыр. Ауылдастарының айтуынша, сол күні 43 жастағы ауыл әкімі мас болған көрінеді. Десе де, Нұрлыбек Қалмағанбетов елді мекендегі амбулаториядан ішімдік ұрттамағаны туралы анықтама алыпты. Адам қаққан әкім бұл қызметке жарты жыл бұрын тағайындалған. Оған дейін ауылдағы мектептің директоры болыпты.