Абай-Тракторная жол қиылысында көлік тіркемесі аударылып кетті

Алайда, жүк дұрыс бекімеген болса керек, бұрылыста тіркеме аударылып кеткен

Тұрғындар Абай даңғылы мен Тракторная көшесіндегі бұрылыста орын алған тіркеменің аударылып кеткеніне куә болған. Камаз көлігіндегі ауыр трансформаторлар бұрыла бергенде құлап кеткен. Енді жүргізуші ары қарай жолын жалғастыру үшін жүкті тұрғызуға көмек күтуде.

- Ол жүкті дұрыс бекітпеген немесе көк тайғақта сырғып кеткен, - дейді куәгер.

Естеріңізге сала кетсек, бұл осы қиылыстағы алғашқы апат емес. Өткен аптаның соңында дәл сол жерде Toyota Camry автокөлігі мен 262-бағыттағы шағын автобус соқтығысып қалған болатын.