Оқиғалар ШҚО-да «ВАЗ» жүргізушісі қар тазалағыш көлікпен соқтығысып, зардап шекті
Жеңіл көлік жүргізушісі жылдамдығын асырып, жол қызметі көлігімен соқтығысты
Фото:
tvc.ru
Сейсенбі күні Көкпекті ауданы Омбы-Майқапшағай тас жолында «ВАЗ-21144» көлігімен «Урал-4320» қар тазалағыш көлігі соқтығысты.
Көкпекті ауылынынан Қалбатау ауылына бара жатқан «ВАЗ» көлігінің рөліндегі 26 жасар жігіт Байбура аумағында қар тазалағыш көлікке келіп соғылды.
- Жол-көлік оқиғасы жолдың көрінбеу жағдайында жылдамдықты қосып жүруі себебінен орын алды. Жеңіл көлік иесі түрлі жарақаттармен ауруханаға жеткізілді, - деді ШҚО ІІД Әкімшілік полиция басқармасының баспасөз қызметі.
Жол сақшылары жол-көлік оқиғасының барлық себеп-салдарын анықтауда.
