Оқиғалар Кеше түнде Семейде жол апаты болды
Түнгі жол апатына ұшыраған көлікке құтқарушылар мен жедел жәрдем қызметкерлері көмек көрсетті
20 қаңтардан 21 қаңтарға қараған түні, сағат бірлер шамасында жедел жәрдем қызметкерлері құтқару қызметіне жүгінді: апат кезінде зардап шеккен 2 адам көлікте қысылып қалған, деп хабарлайды Устинка LIVE тілшісі.
Оқиға орнына дереу жеткен құтқарушылар өте жылдам, бірақ мүмкіндігінше абайлап, авариялық-құтқару құралдарының көмегімен көлікті көтеріп, екі зардап шегушіні шығарып, дәрігерлерге тапсырды, - деп хабарлайды ШҚО Төтенше жағдайлар департаменті.
Еске салайық, өңірде қар жауып, қара көктайғақ болады деп дауылды ескерту жарияланған болатын. Құтқарушылар көлік жүргізушілеріне аса сақ болуды, жылдамдықты және қашықтықты сақтауды ұсынады.
Төтенше жағдай кезінде дереу 112 нөміріне қоңырау шалыңыз.
