Өскеменде көлік аударылып қалып, екі зейнеткер ауруханаға түсті

Жол-көлік апаты сағат 15.30 шамасында, Гагарин бульварында болды, деп хабарлайды Устинка LIVE тілшісі.

- 48 жастағы Lexus жүргізушісі қосалқы жолдан кетіп бара жатып, Гагарин бульвары бойымен келе жатқан ВАЗ көлігіне жол бермей қойған. Нәтижесінде екі көлік те соқтығысып, ресейлік көлік бүйіріне аударылып қалды, - деп хабарлады Өскемен қалалық полиция басқармасының баспасөз қызметі. - Тәртіп сақшысы мәлімдегендей, соқтығысқаннан кейін 71 жастағы жүргізуші мен 73 жастағы ВАЗ жолаушысы жарақатпен ауруханаға жеткізілді.

Тәртіп сақшылары Lexus жүргізушісіне қандай шара қолданатынын және оның жазатайым оқиға салдарынан жарақат алған-алмағаны туралы хабарламады.