ШҚО-да квадроциклдің мас жүргізушісі қағып кеткен 15 жастағы мотоциклші көз жұмды

Еске сала кетейік, 20 қыркүйек күні сағат 18.00 шамасында Глубокое кентінде "FM MOTO" квадроциклінің 55 жастағы жүргізушісі мас және жүргізуші куәлігінен айырылған күйінде, екінші жолдан басты жолға шыққан кезде 15 жастағы жүргізушінің басқаруымен "RECER" маркалы мотоциклмен соқтығысқан. Бала көп дене жарақатын алып, ОАА-ға жатқызылды, деп хабарлайды Устинка LIVE тілшісі.
Өкінішке орай, 26 қыркүйекте мотоциклдің кәмелетке толмаған жүргізушісі ОАА жансақтау бөлімінде есін жимастан, жол-көлік оқиғасынан қайтыс болды.

ШҚО ПД баспасөз қызметінің хабарлауынша, ҚР ҚК 346-бабы 5-бөлігі - көлік құралдарын басқару құқығынан айырылған және абайсызда адам өліміне әкеп соққан масаң күйдегі адамның көлік құралын басқаруы бойынша сотқа дейінгі тергеу жүргізілуде.

- Квадроцикл жүргізушісіне қатысты тергеу соты санкциялаған "күзетпен ұстау" бұлтартпау шарасы қолданылды, - деп бөлісті ШҚО ПД бастығы Сағат Мәдиев. - Бірқатар сот сараптамалары тағайындалды, олардың нәтижелері бойынша іс жүргізу шешімі қабылданатын болады.

Осы қылмыстық құқық бұзушылықты жасағаны үшін тоғыз жылға дейін бас бостандығынан айыру және көлік құралын жүргізу құқығынан өмір бойына айыру көзделген. Полиция департаменті жүргізушілерден жол апатына жол бермеу және жақындары мен туыстарының өмірі мен денсаулығын сақтау мақсатында жолдарда өте мұқият болуды және жол ережесін қатаң сақтауды сұрайды. Әсіресе білім беру мекемелері ауданында.