ШҚО-да мас жүргізуші төрт баланы қағып кетті

Жол-көлік оқиғасы 5 қыркүйек күні сағат 18.50-де Бородулиха ауданының Жаңа Шүлбі ауылында орын алды, деп хабарлайды Устинка LIVE тілшісі.

- Mitsubishi Chelenger-дің 31 жастағы жүргізушісі алкогольдік мас күйінде, бұрылу кезінде рөлді басқара алмай, жол бойында ойнап отырған төрт баланы қаққан, - деп хабарлады ШҚО Полиция департаментінің баспасөз қызметі. - 10 жастағы қыз жедел жәрдем көлігінде дене жарақаты салдарынан қайтыс болды. Қалған балалар жарақат алып ауруханаға жеткізілді.

Ведомствоның мәліметінше, қазір ҚР ҚК-нің 345-1-бабының 3-бөлігі бойынша "Көлік құралдарын алкогольдік масаң күйде басқаратын адамдардың абайсызда адам өліміне әкеп соққан жол қозғалысы ережелерін бұзуы" бойынша сотқа дейінгі тергеу жүргізілуде. Жүргізуші аудандық полиция бөлімінің уақытша ұстау изоляторында.

- Бірқатар сот сараптамалары тағайындалды, олардың нәтижелері бойынша процессуалдық шешім қабылданады, - деп толықтырды ШҚО ПД. - Мұндай қылмыстық құқықбұзушылық жасағаны үшін жеті жылға дейін бас бостандығынан айыру және 10 жыл мерзімге көлік құралын басқару құқығына тыйым салу көзделген.