Семей тұрғыны екі жігітті көлікпен қағып кеткен, біреуі көз жұмды

ШҚО Полиция департаментінің ақпараттарына сүйенсек, ағайынды жігіттер жол жиегінде келе жатқан да өтіп бара жатқан көлік қағып кеткен.

16 жастағы жасөспірім оқиға орнында көз жұмса, 20 жастағы ағасы түрлі жарақаттар алған. Ал жүргізуші оқиға орнынан ізін жасырып, қашып кеткен. Сол үшін Семей қалалық Полиция басқармасының қызметкерлері қылмыскерді ұстау жоспарын жүзеге  асырған. Зардап шегушінің сөзінше, көлік қара түсті  Toyota Land Cruiser Prado болуы керек.

- Тәртіп сақшылары күдіктіні тауып, тұтқындады. Ол 43 жастағы семейлік азамат екен. Ол өз кінәсін мойындады. Ол қорыққаннан апат болған жерден кетіп қалған көрінеді, - дейді ШҚО ПД басшысы Сағат Мәдиев. - Қазір күдікті уақытша қамау изоляторына тоғытылды. Т ергеу жұмыстары жүріп жатыр. Ал көлік айып тұрағына жеткізілді.