Шығыс Қазақстанда жол қоршауын бұзған жүргізуші іздестірілуде

Жол-көлік оқиғасы өткен дүйсенбіде түн ортасына жақын орын алды

13 шілде күні сағат 23.20-да LADA-21214 маркалы көлікті тізгіндеген белгісіз жүргізуші Семей қаласындағы Гагарин көшесіне қатынап бара жатқан. Ер адам жылдамдықтан асып кетіп, көлікті басқара алмай, жол жолағын бөлетін металл қоршауға соғылды, деп хабарлайды Устинка LIVE тілшісі.

ШҚО Полиция департаментінің баспасөз қызметінде пайымдағандай, жүргізуші оқиға орнынан ізін суытып, қазір жедел-іздестіру шаралары жүргізілуде. Апат фактісі бойынша, ҚР ӘҚБтК-нің 610-бабы 1-бөлімі "Көлік құралдары жүргізушілерінің жол қозғалысы ережелерін бұзуы, көлік құралдарының, жүктердің, жолдардың, жол құрылыстарының және басқа да құрылыстардың немесе өзге де мүліктің бүлінуіне әкеп соққан, материалдық залал келтірген" бойынша әкімшілік хаттама толтырылды.

Біздің Telegram арнамыздағы ең маңызды нәрселер

Тақырыптар: Въехал в дорожное ограждение ДТП в ВКО Не справился с управлением Нарушение ПДД