Семейде көз жұмған азаматшаны қағып кеткен жүргізуші Нұр-Сұлтан тұрғыны болып шықты

ШҚО Полиция департаментінің маманадры екі жаяу адамды қағып, оқиға орнынан ізін суытқан жүргізушіні ұстады. Естеріңізге сала кетейік, 50 жастағы әйел ауыр жарақаттан оқиға орнында көз жұмса, екінші ер адам амбулаторлық ем қабылдап жатыр.

- Апат орын алған жерден кетіп қалған жүргізуші 37 жастағы Нұр-Сұлтан қаласының тұрғыны екен. Ол қазір уақытша қамау изоляторына тоғытылды, - деп мәлімдеді ШҚО Полиция департаменті басшысының орынбасары, полиция подполковнигі Елдос Закимов. - Сотқа дейінгі тергеу басталды.

Енді елордалық бұл азамат бес жылға дейін бас бостандығынан айырылуы мүмкін.