Семейде шетелдік көлік жеңіл көліктің соққысынан "ұшып кетті"

7 мамырда сағат 12:00 шамасында ВАЗ-2103 маркалы автокөлігінің 44 жастағы жүргізушісі Әуезов даңғылынан Лермонтов көшесінің бойымен келе жатып, басты жолмен келе жатқан Mitsubishi-ге соғылған. Соққының қатты болғаны соншалық, шетелдік көліктер жүргіншілерді таңырқата ұшып кеткен. Жағдайдың қиындығына қарамастан қақтығыс адамдар күткендей қорқынышты болмады - алған жарақаттары онша ауыр емес екен. 

- Ұшып кеткен көліктің 45 жастағы жүргізушісі қалалық ауруханаға жеткізілді. Оны мұқият тексерген соң, үйіне жіберді, - деп хабарлады ШҚО Полиция департаменті.

Белгілі болғандай, жазатайым оқиғаға кінәлі жүргізуші мас болған. Оған қатысты Әкімшілік құқық бұзушылық туралы кодексінің 608-бабының 3-бөлігі "Жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы" бойынша әкімшілік хаттама жасалды. Енді ер адам жеті жылға құқығынан айырылып, 20 тәулік әкімшілік қамауға алынады.