Оқиғалар Жолаушылар өткелінде баланы 19 жастағы Land Cruiser жүргізушісі қаққан
ЖКО сенбі күні Сәтпаев даңғылындағы спорт кешені маңында орын алған
Естеріңізге, сала кетейік 5 қазан күні Өскемен қаласында жаяу жүргіншілер жолағынан өтіп келе жатқан баланы көлік қағып кетті. Бала Ана мен бала орталығына жеткізіліп, миы шайқалған деген диагноз қойылған. Бірнеше уақыт бойы жан сақтау бөлімінде жатқан бала отадан кейін нейрохирургия бөліміне ауыстырылды.
- "Toyota Land Cruiser" көлігінің жүргізушісі Сәтпаев даңғылы бойымен қалаға қарай келе жатқан жолда О. Рыпакова ат. жеңіл атлетика кешені маңында жаяу жүргіншіні қағып кеткен. Бірнеше жарақат алған 14 жастағы бала ауруханаға жеткізілді, - деп мәлімдеді Өскемен қалалық Полиция басқармасының баспасөз қызметі. - 19 жастағы көлік жүргізушісіне қатысты ҚР ҚК 345-бабы 2-бөлігі бойынша қылмыстық іс қозғалды.
Қазір дәрігерлер баланың жағдайы қалыпты екенін айтады. Бұл туралы баланың анасы әлеуметтік желіде жариялады.