Донское ауылы маңындағы жол апатынан ер адам зардап шекті

ШҚО ПД баспасөз қызметі мәлімдегендей, Тойота Марк-2 көлігін тізгіндеген 32 жастағы азамат Өскеменге қарай Семей тас жолында келе жатқан. Жылдамдықты асырып, ара қашықтықты сақтамаған ол алдындағы "ГАЗ-2410" көлігіне соғылған.

Апат нәтижесінде Волганың жүргізушісі жол жиегіне ұшып кетіп, жарақат алды. Жедел жәрдем дәрігерлері қарап шығып, оны үйіне жіберген.

- ЖКО фактісі бойынша әкімшілік хаттама толтырылды, - деп мәлімдеді баспасөз қызметі.