Оқиғалар ШҚО-дағы апатта төрт адам қаза болды, екеуі – балалар
Апат 9 тамыз күні Семей-Озерки тас жолының екінші шақырымында орын алды
Облыстық Полиция департаментінің баспасөз қызметі хабарлағандай, BMW-X5 маркалы көлік тізгінінде болған 31 жастағы жігіт қатты жылдамдықпен келе жатып, көлік аударылып кеткен.
- Апат нәтижесінде көлік ішіндегі төрт жолаушы, оның екеуі – бала, алған ауыр жарақаттарынан оқиға орнында мерт болды. Көлік жүргізушісі мен тағы үш жолаушы (екеуі – бала) Семей қаласының ауруханасына жеткізілді, - деп мәлімдеді баспасөз қызметі.
Қазір жол-көлік оқиғасы бойынша ҚР ҚК 345-бабы 4-бөлігімен сотқа дейінгі тергеу басталды. Яғни, сараптама жұмыстары тағайындалып, оқиғаның мән-жайы анықталу үстінде.