Оқиғалар Ақмола облысында жол апатынан әкімнің орынбасары қаза тапты
Ақмола облысы әкімінің ауыл шаруашылығы мәселелері жөніндегі орынбасары Жомарт Нұркенов Петропавл-Нұр-Сұлтан тас жолындағы жол-көлік апатында қаза тапты
9 мамыр күні сағат 17: 00-де облыстық ІІД-ге Көкшетау қаласынан 3 шақырым жерде Петропаловск-Нұр-сұлтан тас жолында ЖКО орын алғаны туралы телефон хабарламасы келіп түсті, онда облыс әкімінің орынбасары Жомарт Нұркенов қаза тапты.
Ведомствоның мәліметіне қарағанда, Ж. Нұркенов Toyota Landcruiser автокөлігінің тізгінінде болып, жол жиегінде тұрған асфальт төсегішпен соқтығысқан. Әкімнің орынбасары оқиға орнында көз жұмды.
ЖКО фактісі бойынша Қылмыстық кодекстің 345-бабы 3-бөлігі "Көлік құралдарын жүргізуші адамдардың жол қозғалысы немесе көлік құралдарын пайдалану ережелерін бұзуы" бойынша сотқа дейінгі тергеу жүргізілуде.
Апат жағдайы анықталуда.
45 жастағы Ж. Нұркенов бұрын Ақмола облысы Бұланды, Атбасар, Аршалы ауданының әкімі қызметін атқарған.
