Оқиғалар ЖКО себепкері ұзақ уақыт жасырына алмады
Тәртіп сақшылары жол-көлік оқиғасына кінәлі азаматты көліктен түсіп қалған мемлекеттік нөмір арқылы тауып алды
3 қыркүйек күні түн ортасында полиция қызметіне жол-көлік оқиғасынан зардап шеккен азамат хабарласқан.
Оқиға орнына келген тәртіп сақшылары анықтағандай, Меновное кентіндегі Ярославская көшесі бойында Лексус маркалы көлік ИЖ-2117 көлігін соғып, оқиға орнынан ізін суытқан. Нәтижесінде ИЖ-2117 көлігінің 29 жастағы жүргізушісі жарақат алып, ауруханаға түскен.
- Жергілікті полиция қызметінің іздеу бөлімшесінің қызметкерлерінің араласуымен шетел көлігінің иесі анықталды. Ал тергеу барысында көлік иесі кінәсін мойындады. ЖКО бойынша ҚР ҚК 345-бабы 1-бөлігі бойыншы сотқа дейінгі тергеу басталды, - деп мәлімдейді ШҚО ІІД баспасөз қызметі.