Оқиғалар Екі азаматша көлік астына түсті
Дүйсенбі күні кешкі уақытта Семей қаласының екі тұрғыны жол-көлік оқиғасына ұшырап, ауруханаға жеткізілді
Апат кешкі бестер шамасында орын алған. Куәгерлердің сөзіне сүйенсек, екі әйел "Восток" дүкені жанындағы жаяу жүргіншілер жолағынан өтіп бара жатқанда оларды көлік қағып кеткен.
- ЖКО Шәкәрім даңғылында болған. Алдын ала болжам бойынша, көлік жүргізушісі сау болған, - деп мәлімдеді "Семей ЖКҰ" ҚҰ өкілдері.
Куәгерлер зардап шеккен азаматшаларды дереу ауруханаға алып кеткенін айтады. Ал тәртіп сақшылары оқиғаның мән-жайын анықтауда.
