Оқиғалар Hyundai шағын көлігі дуалға "шығып" кетті
Көлік жүргізушісі ШҚО ІІД маңында көлік тізгініне ие бола алмай, қарсы жолақтарды бөліп тұрған жолаққа шығып, көлігімен дауалды қиратып кеткен
Hyundai Getz көлігінің ыңғайсыз күйде шарбаққа шығып кеткендігі жарияланған видео әлеуметтік желіде тез тарады.
Оқыс оқиға Ворошилов көшесінде облыстық полиция ғимаратына жақын маңда орын алды. Әзірге тәртіп сақшылары осы оқиғаға байланысты пікір білдірмеді. Бірақ куәгердердің сөзіне сүйенсек, бұл апаттан шарбақ пен көліктің сақтандыру қоры ғана зардап шегіп отыр.
Айта кетейік, кеше ғана 16.50-де осы аймақта апат орын алған. Екінші дәрежелі жолдан бұрылысқа шығып келе жатқан көлік жүргізущісі басты жолдағы көлікті өткізбей қойған.
Одан өзге, бүгінгі оқиға орын алардан жарты сағат бұрын Мыза көшесіндегі әкімшілік соты алдында тағы бір ЖКО орын алған. Mercedes көлігі Mitsubishi Pajero көлігіне соғылған.
Следующая →