Оқиғалар Алматыда әйелді көлік қағып кетті
Оқыс оқиға Розыбакиев көшесі мен Райымбек даңғылының қиылысындағы Кудерин көшесі бойында орын алған
Mercedes-Benz көлігінің жүргізушісі көлік тізгініне ие бола алмай, жаяужолға шығып кеткен, деп zakon.kz сайты хабарлайды. Салдарынан Mercedes-Benz көлігі үш жолаушыны қағып, дүңгіршекке соғылған.
Қатты соққыдан алған ауыр дене жарақаттары салдарынан егде жастағы әйел адам оқиға орнында көз жұмды. Ал қалған зардап шегушілер ауруханаға жеткізілді. Зардап шеккен адамдардың тағы біреуі ауруханада ауыр халде жатыр.
