Өскеменде Toyota Prado мен жанармай таситын көлік соғылды
Апат салдарынан тек джип жолаушысы жеңіл жарақаттармен құтылды
28 шілде күні Гавань ауданында Toyota Prado жүргізушісі LADA автокөлігін озамын деп жанармай таситын көлікпен соғылды.
Жанармай тасушы джиптің оң жағына соғылып, екі көлік те тас жолдан шығып қалды. Қуанышқа орай, жанармай тасушы көлік бос болған.
Куәгерлердің айтуынша, ЖКО салдары жол сапасына байланысты болған. Тас жолдағы үлкен шұңқырларды айналып өтем деген LADA жүргізушісі озып бара жатқан Toyota-ны жанармай тасушы көлікке қарай ығыстырған. Барлығы әп-сәтте орын алған.
- 35 жасар Toyota Prado автокөлігінің жүргізушісіне қатысты ҚР Әкімшілік кодексінің 610-бабы бойынша хаттама толтырылды, - деп хабарлайды ШҚО ІІД баспасөз қызметі.
Құқықбұзушылық деңгейінің ауырлығына байланысты аталған бап бойынша жүргізуші куәлігінен айырып, айыппұл көзделген.