Өскемен полицейлері жантүршігерлік жол-көлік апатын көрген куәгерлерді іздестіруде

Тәртіп сақшылары 29 сәуір күні Ворошилов көшесі мен Абай даңғылы қиылысында болған «Лада Приора» автокөлігі мен жедел жәрдем көлігі арасында болған жол-көлік оқиғасын көрген тұрғындарға іздеу салуда. - Жарақат алған «Приора» жүргізушісі ауруханада көз жұмды. Адам өліміне соқтырған жол-көлік оқиғасы бойынша ҚР ҚК 345 баптың 3 тармағы қылмыстық іс қозғалуда, - дейді облыстық полиция баспасөз қызметі. - Апатқа куәгер болған барша адамдарға үндеу саламыз. Егер аталмыш жол-көлік оқиғасын көрген болсаңыз, ШҚО ІІД-на қылмыстық істің ақ-қарасын анықтау басқармасына хабарласуларыңызды өтінеміз. Өскемен қаласы, Ворошилов көшесі, 1-үй, 417 кабинет. Телефоны 23-42-95, 23-44-30