Өскеменде екі кішкентай қызды көлік қағып кетті

Апат бүгін күндіз Қазақстан көшесіндегі «Юбилейный» аялдамасы маңында орналасқан жаяу жүргінші жолағында орын алған. Апат салдарынан қыздар дене жарақаттарын алған, қазір олар ауруханада

Алдын ала ақпарат бойынша, шамамен жеті және сегіз жастағы екі кішкентай қызды қаққан иномарка көлігінің тізгінінде әйел адам болған. Қалалық ІІБ баспасөз қызметі хабарлағандай, тәртіп сақшылары қазіргі кезде апаттың себептерін анықтауда.