ШҚО-да бірден бірнеше ЖКО орын алды

Кеше, 12 желтоқсанда Өскемен қаласындағы Ахмер ауылынан шығар жолда ГАЗель автокөлігінің дөңгелегі ұшып кеткен, деп хабарлайды Устинка LIVE тілшісі. Куәгерлердің айтуынша, көлікті тайғақта «лақтырған», тоқтаймын дегенде машинаның артқы сол жақ дөңгелегі түсіп қалған. ЖКО зардап шеккендер туралы ақпарат жоқ.

Сол күні, дүйсенбіде, Өскемен – Семей тас жолының 185-ші километрінде жолаушылар автобусы аударылып қалған.

- Жол бойында жүргізуші қажетті жылдамдықты ұстамаған, - дейді ШҚО ІІД баспасөз-хатшысы Бақытжан Торғаев. – Жылдамдық артқандықтан тайғақ жолда автобусты басқару мүмкін болмаған соң көлік жолдан ұшып кеткен.

ШҚО ІІД апатта ешкімнің зардап шекпегенін хабарлайды. Жолаушылар белгіленген орынға басқа көлікпен жеткізілген.