Оқиғалар Аялдамада болған апатта балалы әйел зардап шекті
Бұған дейін хабарлағандай, сенбі күні «Мазда Кронос» маркалы автокөлігі көктайғақтың кесірінен автобус аялдамасына соғылған болатын
Фото:
privet-rostov.ru
Өскемен қаласының ІІБ хабарлағандай, апат көлік жүргізушісінің кінәсінен орын алған. Өйткені, көрші жолақтағы көлікке жол бермей, нәтижесінде екі көлік соқтығысқан.
- Соққыдан итерілген «Мазда» көлігі аялдамаға барып соғылған, - деп хабарлайды қалалық ІІБ баспасөз-хатшысы Әсел Әмренова. – Тоқтай алмаған көлік аялдамада тұрған 29 жасар келіншек пен 5 жасар баланы іліп әкеткен. Абырой болғанда, зардап шеккендер ауыр жарақат алмаған. Дәрігер тексеруінен кейін олар босатылды.
ЖКО бойынша тергеу жұмыстары басталды.
