Оқиғалар ШҚО-да «Өскемен – Шемонаиха» тас жолындағы апаттан 2 адам мерт болды
«Ваз» және «Тойота» автокөліктерінің соқтығысуы салдарынан «Ваз» көлігіндегі 21 жастағы жүргізуші мен 16 жастағы жолаушы мерт болды. Ал, «Тойота» көлігінің 35 жастағы жүргізушісі түрлі дене жарақаттарын алған.
Апат 4 шілде күні тас жолдың 69 километрінде «Тойота Чейзер» көлігінің жүргізушісі қарсы бағытқа шыққанда орын алған. Салдарынан «Тойота Чейзер» көлігі қарсы бағытта келе жатқан «Ваз» екі көлігімен бетпе-бет соғысқан.
«Тойота Чейзер» көлігінің жүргізушісіне қатысты ҚР ҚК-нің 345-бабы бойынша қылмыстық іс қозғалды. Бүгінгі күні жол-көлік оқиғасының мән-жайы анықталуда.
Дәл сол күні сағат 10.00-де Өскемен қаласында да жол-көлік оқиғасы орын алды. Понтон көпірі маңында, Меновной ауылына таяу «Тойота» және «Иж-2717» көліктері соқтығысып қалды. Орын алған апат салдарынан «Иж-2717» көлігінің 82 жастағы жүргізуші жарақаттанып, ауруханаға жеткізілді.