Оқиғалар 
Риддерде мотоциклші теміржол өтпесінен ұшып өтіп қаза тапты
Куәгерлердің айтуынша 2 дөңгелекті көлікке 3 адам мас күйінде отырған және соның салдарынан апаттық жағдай орын алды
Фото:
foto.rg.ru
Риддерде күндізгі сағат 10.30 шамасында адам өмірін алған жол-көлік оқиғасы болды. «Иж» мотоциклінің жүргізушісі Лесхоз аймағында рөлді басқара алмай, теміржол өтпесінің үстінен ұшып өеді. Куәгерлердің сөзіне қарағанда мотоциклдің үстіне отырған үш азаматта у-дай мас болған.
- Мотоциклші бірден қаза тапқан. Ал оның жолаушыларының бірі қашып кетсе, екіншісі қабырғаларын сындырып алған, - деп жазады оқиғаның куәгерлері әлеуметтік желілерде.
Полиция қызметі оқиғаға қатысты ақпарат беруге әлі дайын емес.
- Риддер қаласының ІІБ қызметкерлері оқиға орнына шықты. Жол-көлік оқиғасының орын алуына қатысты тергеу жүргізілуде, - деді ШҚО ІІД баспасөз қызметінің басшысы Бақытжан Торғаев.