Оқиғалар Семейде бес адам көлік апатына ұшырап, қаза тапты
26 сәуір күні сағат 22.00 шамасында Рено Саедеро көлігінің жүргізушісі Шугаев пен Гагарин көшелерінің қиылысымен келе жатып, көлікті басқара алмай жол жиегіндегі Галина жырасына құлайды
Фото:
kbrria.ru
Нәтижесінде көлік ағашқа соғылады. Жол көлік оқиғасында 5 адам қаза табады. Бір адам түрлі жарақаттармен Семей қалалық жедел медициналық көмек көрсету ауруханасына жеткізіледі.
- Қазіргі уақытта жол-көлік оқиғасының себептері анықталуда. Мүмкін болғанша сараптамалар жасалуда. Жол апатына қатысты ҚР Қылмыстық кодексінің 345-бабының 4 бөлімі бойынша қылмыстық іс қозғалды, - деді ШҚО ІІД баспасөз қызметінің басшысы Бақытжан Торғаев.
