Оқиғалар 25 ұсақ малы пойыз астына түскен шаруа 17 мың теңге айыппұл арқалады
Ақтөбе облысының Сарысай – Хромтау аралығында жүк пойызы 25 қойды қағып кетті
Бұл үшін машинист емес, мал иесі жауапқа тартылады, деп хабарлайды Устинка LIVE тілшісі.
Өйткені жүк пойызының машинисі мал жолға шыққан уақытта шұғыл тежегішті басуға мәжбүр болған.
Алайда соқтығысудың алдын алу мүмкін болмады, пойыз 25 қойды қағып кетті. Оның 20-сы өлді. Пойыз жоспардан тыс 10 минут тоқтап тұруға мәжбүр болды, - деп хабарлады ҚР ІІМ баспасөз қызметі. - Өткізілген іс-шаралардың нәтижесінде Қандыағаш станциясындағы желілік полиция бөлімінің қызметкерлері үй жануарларының иесін анықтады. Ол Ақтөбе облысының 64 жастағы тұрғыны болып шықты.
Оған қатысты ҚР ӘҚБтК-ның 559-бабының 1-бөлігі бойынша әкімшілік хаттама толтырылып, 5 айлық есептік көрсеткіш мөлшерінде айыппұл салынды.
Естеріңізге сала кетейік, жыл басынан бері көліктегі полиция департаментінің қызмет көрсету аумағында пойыздар дәл осылай 670 рет шұғыл тоқтауға мәжбүр болған. Оның 172-сіне адам себеп болса, 386-сына мал себеп болған.
