Оқиғалар Бір түнде екі ауылдың 5 дүкенін тонағандар ұсталды
ШҚО Ұлан ауданы полицейлері ұрлық жасаған 3 күдіктіні ұстады
Фото:
megapoisk.com
26-қаңтардан 27-қаңтарға қараған түні Ұлан ауданы Таврия ауылында үш және Герасимовка ауылында екі дүкен тоналды. Тоналған дүкендер қажетті бақылауда болмағанын айтады тәртіп сақшылары.
– Дүкендерден азық-түлік, темекі, телефон балансын толтыруға арналған карточкалар және кассадағы қаражат ұрланады. Сонымен қатар, бір дүкенде орнатылған төлем қабылдайтын терминалдың ішінен де қомақты қаржы жымқырылған. Ұрланған заттар шығыны шамамен 600 мың теңгені құрайды, - деді ШҚО ІІД баспасөз қызметінің мамандары.
Ұрлықтың орын алғандығы туралы түскен ақпараттан кейін, іздестіру шаралары басталып, қылмыскерлер ұсталады. Олар бұған дейін сотталған Риддер қаласының 1984,1987,1991 жылғы азаматтары.
Қылмыскерлер жасағандарын мойындап, уақытша қамау изоляторына қамалды. Тергеу барысында қылмыскерлердің Меновное кентіндегі дүкенде жасалмақ болған ұрлыққа қатысы бар екендіктері анықталды. Қазіргі уақытта «ұрлық» бабы бойынша соталды тексеріс жұмыстары жүргізілуде.