Оқиғалар Биыл Қазақстанда 19 бала суға батып кеткен
Көбінесе қайғылы жағдайлар суға құлап кетіп жүзе алмай немесе мас күйінде суға түсіп, балық аулау кезінде қауіпсіздік ережелерін сақтамау салдарынан орын алады
Биыл 1 маусымнан бері Қазақстанда 19 бала суға батып кеткен, деп хабарлайды Төтенше жағдайлар министрлігі.
Министрлік мәліметінше, суға шомылу маусымы басталғалы бері 36 адам суға батып, көз жұмған. Оның 19-ы бала.
Өлімнің негізгі себебі – рұқсат етілмеген жерде шомылу және балаларды қараусыз қалдыру.
Қайғылы оқиғалардың статистикасы төмендегідей:
- су қоймасында – 32 адам;
- суға шомыла алмаған – 18 адам;
- ішімдік ішіп, суға түскен – 11 адам;
- балық аулау ережесін бұзған – 10 адам;
- өз күшіне қатты сенген – 9 адам;
- жүзу құралында сырғанау кезінде – 1 адам.
