Оқиғалар ШҚО-да ауа райы "жедел жәрдем" жолын бөгеді
Өңірдің бірнеше ауылының тұрғындарына шұғыл медициналық көмек қажет болды, бірақ боран салдарынан жолдар жабылды
Тройницкое ауылынан ер адамды құтқару үшін өңір дәрігерлері ТЖ департаменті қызметкерлерінің көмегіне жүгінуге мәжбүр болды, деп хабарлайды Устинка LIVE тілшісі.
Аймақта боран соғып, кейбір жолдар жабылды. Жедел-құтқару жасағының қызметкерлері ауа райының қолайсыздығынан Ұлан ауданының тұрғынына дейін жоғары өтімді "Трэкол" техникасымен жүріп өтті. Көрші Каменка ауылында қан қысымы жоғарлаған қарт әйелге де дәрігерлердің көмегі қажет болды. Құтқарушылар ер адам мен қарт әйелді Таврия ауылындағы орталық аудандық ауруханаға жеткізді, - деп хабарлады ШҚО ТЖД.
Ауа-райынан Көкпекті саяхатшысы да зардап шекті. Шұбарқайың ауылының маңындағы тас жолда қар құрсауында автокөлік тұрып қалды, ол ТЖ қызметіне көмек сұрап жүгінді.
Оқиға орнына 51-ПП қызметкерлері келді, олар ер адамға қар құрсауынан шығуға көмектесті және оны жақын маңдағы елді мекенге дейін жеткізді, - деп хабарлады ШҚО ТЖД.
Естеріңізге сала кетейік, автожолдар мен дауылды ескертулердің жай-күйі туралы ақпаратты "Дәрмен"тегін мобильді қосымшасынан табуға болады.
Төтенше жағдайлар туындаған кезде дереу 112 нөміріне хабарласқаныңыз жөн.
