Оқиғалар Мемлекет басшысы жедел штаб отырысын өткізді
Жедел штабтың отырысы өтті, онда Бас прокурор, Ұлттық қауіпсіздік комитетінің төрағасы, сондай-ақ ішкі істер министрінің міндетін атқарушы баяндама жасады
Президент Қасым-Жомарт Тоқаевқа құқық қорғау органдары мен қарулы күштер елдегі тәртіп пен заңдылықты қалпына келтіру бойынша шаралар қабылдап жатқаны туралы баяндалды, деп хабарлайды Устинка LIVE тілшісі ҚР Орталық коммуникациялар қызметіне сілтеме жасап.
Өңірлерде төтенше жағдай режимін сақтау қамтамасыз етілуде. Блокпосттар қойылды, ҰҚШҰ-ға қатысушы мемлекеттердің біріккен бітімгершілік контингентіне бірқатар стратегиялық объектілер күзетке берілді. Күш құрылымдары елді мекендерді "тазартуды" жалғастыруда. Террористердің орналасқан жерін анықтау және ұстау, дәлелдеу базасын жинау және құжаттау, тиісті сараптамалар жүргізу бойынша жедел іс-шаралар жүргізеді.
Барлығы 125 қылмыстық іс қозғалды, полиция органдарына 5,8 мың адам жеткізілді, олардың ішінде шетелдіктердің басым бөлігі бар.
Бүкіл елде 7939 адам ұсталды.
Еліміздің барлық өңірлерінде жағдай тұрақтанды, жедел жағдайға бақылау орнатылды, құқық қорғау органдары бұрын басып алынған барлық әкімшілік ғимараттарды босатты, коммуналдық объектілер мен тіршілікті қамтамасыз ету жүйелерінің жұмысы қалпына келтірілуде.
Жалпы ел бойынша төтенше жағдай режимін бұзғаны үшін 1,5 мыңнан астам адам тартылды.
Қасым-Жомарт Тоқаев күш құрылымдары елдегі қоғамдық тәртіп пен қауіпсіздікті толық қалпына келтіру бойынша барлық қажетті шараларды қабылдайтынын атап өтті.
Мемлекет басшысы жекелеген өңірлердегі тәртіпсіздіктер салдарынан болған зардаптарды жою мәселелері жөнінде Үкімет комиссиясын құруды тапсырды.
Президент Алматы қаласының және басқа да өңірлердің әкімшілік ғимараттарын, Әлеуметтік және коммуналдық объектілерін қалпына келтіру жөніндегі жұмыстарды жедел бастауға шақырады.
