Оқиғалар Ақмола облысында жарылыс кезінде үш адам қаза тапты, қылмыстық іс қозғалды
Тағы 11 адам, оның ішінде бес бала түрлі жарақаттармен ауруханаларға жатқызылды
Сейсенбі күні кешке Ақмола облысының Шортанды кентінде барак үлгісіндегі үйдегі пәтерлердің бірінде жарылыс орын алды. Жарылыс орнында ауданы 350 шаршы метр өрт шықты. Оқиға орнында үш адамның денесі табылды, тағы 11 адам, оның ішінде бес бала түрлі жарақаттармен ауруханаларға жатқызылды. Сотқа дейінгі тергеу газ баллонының жарылу фактісі бойынша басталды, деп хабарлады облыстық полиция департаментінің баспасөз қызметі.
Аталған факті бойынша республиканың Қылмыстық кодексінің 306 - бабының 3-бөлігі (абайсызда адам өліміне әкеп соққан, қауіпсіздік талаптарына сай келмейтін тауарларды шығару немесе сату, жұмыстарды орындау не қызметтерді көрсету) бойынша 292-бабының 3-бөлігіне (абайсызда екі және одан да көп адамның өліміне әкеп соққан өрт қауіпсіздігі талаптарын бұзу) қайта біліктілікпен сотқа дейінгі тергеп-тексеру басталды, - делінген сәрсенбіде таратылған хабарламада.