Оқиғалар Жыл басынан бері Қазақстанда 7 мыңнан астам өрт болды - ҚР ТЖМ
Табиғи өрттің алдын алу, азайту үшін орталық және жергілікті атқарушы органдар 14 мыңға жуық бірлескен рейд жүргізді
Қазақстанда ағымдағы жылдың қаңтар-тамыз айларында 7 мыңнан астам өрт болып, нәтижесінде 251 адам қаза тапты, деп хабарлады ТЖМ баспасөз қызметі.
Ағымдағы жылдың 8 айында ел бойынша 7 мыңнан астам өрт болды, онда 1 мыңнан астам адам құтқарылды. Жарақат алғандар саны 217 адамды құрады, қаза болғандар саны - 251 адам, - делінген сәрсенбіде таратылған баспасөз қызметінің хабарламасында.
Жалпы, ТЖМ деректері бойынша елімізде өрттердің 7,8% -ға төмендегені байқалады: тұрғын үй секторында - 12,6% -ға (2021 жылғы сегіз айда 4371 өрт болды), бақылаудағы объектілерде - 1,5%-ға (629).
Сонымен қатар, орман өрттерінің 11,9% -ға (биыл 695) өсуі және дала өрттерінің 19,3% -ға (биыл 96) төмендеуі байқалады, - деп хабарлады ҚР ТЖМ.
ТЖМ мәліметінше, табиғи өрттердің пайда болу қаупін болдырмау және азайту мақсатында орталық және жергілікті атқарушы органдар өткен кезеңде шамамен 14 мың бірлескен рейд жүргізді.
Рұқсатсыз өрт қою, ауыл шаруашылығы алқаптарында құрғақ шөптің бақылаусыз қалууы, орылған шөпті өртеу және басқа да өрт қауіпсіздігі ережелерін бұзғаны үшін 3 125 адам әкімшілік жауапқа тартылды, - делінген хабарламада.
ТЖМ өрттің басым бөлігі тұрғын үй секторына - бұл 58%, сондай-ақ көлікке -18% тиесілі екенін атап өтті.
Өрттің негізгі себептері: 34% - бұл 2,5 мыңнан астам өрт электр жабдықтарын монтаждау және пайдалану ережелерін бұзу, 29% немесе 2 мыңнан астам өрт - бұл отты абайсыз қолдану, 12% - пештерді орнату және пайдалану кезінде өрт қауіпсіздігі ережелерін бұзу болып табылады, - делінген хабарламада.
