Теміртаулық ер адам қайтыс болғаннан кейін COVID-19-ға қарсы "вакцинацияланды"

Қарағанды облысының Медициналық және фармацевтикалық бақылау комитетінің департаменті covid-19-дан қайтыс болғандардың деректер базасында есепте тұрған пациенттің КВИ вакцинасының екінші дозасын алу фактісін анықтады, деп хабарлайды сайт Polisia.kz.

Облыстың ПД ҚР ҚК 385-бабы "ресми құжаттарды қолдан жасау және өткізу"бойынша қылмыстық іске тергеу жүргізеді. Күдіктілердің арасында "вакцинация" екпесін жүргізген медицина қызметкері бар.

- Теміртау қаласының 59 жастағы тұрғыны жұқпалы аурулар госпиталіне жатқызылғанға дейін вакцинаның бірінші компонентімен егілгені туралы белгі болған. Бес күннен кейін бұл азамат COVID-19-дан қайтыс болды. Алайда, ол қайтыс болғаннан кейінгі күні базада ер адамның вакцинаның екінші компонентін алғаны туралы белгі пайда болды. Бұл, әрине, олардың алғашқы вакцинаны алуына күмән келтірді, – деді полиция департаментінің тергеу бөлімінің бастығы Алмаз Саламатов оқиғаның егжей-тегжейі туралы.