Қазақстанда аспаннан ұшақ құлады

Техникалық ақаулар мен қателіктердің кесірінен АН-2 ұшағы жерден көтерілгеннен кейін бірнеше шақырым ұшып барып, егін даласына құлады

Қызылорда облысында бортында екі ұшқышы бар Ан-2 ұшағы жексенбі күні егіс алқаптарын өңдеу кезінде құлап кетті, деп хабарлады республикалық Төтенше жағдайлар министрлігінің баспасөз қызметі.

- 4 шілдеде сағат 07.00 шамасында АН-2 ұшағы Қызылорда қаласындағы Қарауылтөбе ауылынан 12 км қашықтықта күріш алқаптарын өңдеу кезінде апатқа ұшырады. Ұшып көтерілгеннен бірнеше шақырым өткен соң, шұғыл қондыру кезінде техникалық ақаулардың салдарынан ол далаға құлады, - деп хабарлады баспасөз қызметі. - Бортта 1954 және 1967 жылы туған екі ұшқыш болған. Олар ауруханаға жеткізілді. Алдын ала мәліметтер бойынша, жағдайлары бірқалыпты деп саналады.

Төтенше жағдайлар министрлігінің хабарлауынша, ұшақ "Илиса" ЖШС-не тиесілі. Ұшақ апаты орын алуына байланыты ҚР Индустрия және инфрақұрылымды дамыту министрлігінің Азаматтық авиация комитетінде хабарланғандай, комиссия құрылды.

- Осы факт бойынша комиссия құрылды. Индустрия және инфрақұрылымды дамыту министрлігінің Апаттар мен оқыс оқиғаларды тергеу басқармасы тергеу жүргізеді, - делінген комитеттің жексенбіде жарияланған хабарламасында.

Департамент апатқа ұшыраған әуе кемесінің операторы "ELISA" қауымдастығы деп түсіндірді.

Тақырыптар: Падение самолета Самолет АН-2 МЧС РК