Шарын шатқалында жоғалған қыз табылды

Құтқарушылар жақында Алматы облысындағы Шарын шатқалында селден жоғалып кеткен қызды аман-есен тапты, деп хабарлады Қазақстан ТЖМ ресми өкілі Талғат Уәли.

- 2021 жылғы 30 мамырда сағат 09.34-те Шарын өзені бойындағы жағалау бойын көзбен шолып қарау әдісімен жерүсті іздестіру-құтқару жұмыстарын жүргізу кезінде Шарын мемлекеттік ұлттық табиғи паркінің қызметкері 2010 жылы туған қызды тапты, - деп хабарлады Уәли жексенбі күні журналистерге.

Қазіргі уақытта құтқарушылар қызға алғашқы медициналық көмек көрсетуде.
Алдын ала мәліметтер бойынша, қыз жарақат алды, оның жағдайы орташа ауыр, тұрақты деп бағаланады, деп хабарлады ТЖМ өкілі.

- Зардап шеккен адамды білікті медициналық көмек көрсету үшін "Қазавиақұтқару" АҚ авиациялық техникасын пайдалана отырып Алматы медициналық мекемесіне тасымалдау мәселесі шешілуде, - деп атап өтті Уәли.

Уәлидің мәліметінше, қыз оқиға орнынан 3-4 шақырым жерде Шарын өзенінің сол жағалауынан табылған. Бұған дейін хабарланғандай, сел салдарынан алты адам зардап шекті, екеуі қаза тапты. Жексенбі күні таратылған Білім министрлігінің мәліметінше, қаза болғандар - Алматыдағы n199 гимназиясының оқушысы және мұғалім.