Оқиғалар ШҚО тас жолдарының бірінде жүк көлігі аударылды да, жанып кетті
Бүгін түс кезінде жолдан шығып кетіп аударылып қалған, артынша отқа оранған жүк көлігін куәгер жолаушылар бейнетаспаға түсіріп алған
Оқиға Северное ауылының маңында болды, деп хабарлайды Устинка LIVE тілшісі. Апат куәгерлері түсірген кадрлардан өртке оранған ауыр камазының тас жолдың жиегінде қалай жанып жатқанын көруге болады. Бейнежазбаға бірнеше секундтан кейін машинаның жарылғаны түсірілген. Куәгерлердің айтуынша, апат салдарынан екі адам қайтыс болған.
- Біздің қызметкерлер қазір сол жерде жұмыс істейді. Апат Өскеменнен 25 шақырым жерде болды. КамАЗ аударылды. Өрт тоғыз шаршы метр аумақты алған. Адамдар кабинада қысылып, шыға алмай қалған. Құтқарушылардың айтуынша, зардап шеккендер туралы толық мәліметтер жоқ. Олар кейінірек белгілі болады, - деп хабарлады Өскемен қаласының Төтенше жағдайлар департаменті.
Следующая →
