Семейдегі өртті 2,5 сағат сөндірді

ШҚО бойынша ТЖД хабарлағандай, ғимараттағы ағаш жабындылар мен ішіндегі тауарлар жанып кеткен.

Тілсіз жаумен күрес жұмыстарына 60 маман мен 12 автоцичтерна жұмылдырылған. Жалынды сөндіруге екі сағаттай уақыт қажет болды. Жалпы өрт аумағы – 500 шаршы метр.

- Ішіндегі адамдар өздері сыртқа шығып үлгерді, - деп мәлімдеді мекемедегілер. - Құрбандар мен зардап шеккендер жоқ.

Мамандардың пайымдауынша, пеш, электрқұрылғыларын пайдалану немесе жөндеу кезінде өрт қауіпсіздік талаптарын сақтамау салдарынан өрт шығуы мүмкін.