ШҚО-да екі адам көлікпен қар құрсауында қалды

Кеше, 4 ақпан күні, таңертең "Митсубиси Паджеро" маркалы көлігі Глубокое ауданы Карагужиха ауылынан шыққан

Жүргізуші мен бір жолаушы Риддер қаласына бет алған. Бірақ діттеген жерлеріне жете алмай қалған. Соңдарынан ШҚО ТЖД Шұғыл құтқару отрядының қызметкерлері аттанған.

- Сағат 15.50-де жолдың 17-ші шақырымында Волчиха ауылы маңында құтқарушылар қар құрсауында қалған жеңіл көлікті тапты, - деп мәлімдеді ШҚО ТЖД. - Көлік ішіндегілерге медициналық көмек қажет болмады. Құтқарушылар оларды тазартылған жол бөлігіне дейін шығарып салды, ары қарай жеңіл көлік өзі кетті.

ШҚО ТЖД қауіпсіздік ережелерін сақтауды ескертеді. Егер алыс жолға шыққан болсаңыз, жақындарыңызға нақты бағытыңыз бен келетін уақытыңызды айтып кетіңіз. Жолға шығар алдында "Дармен" қосымшасы арқылы ауа райы жағдайымен танысып алған абзал.

Егер қандай да жағдай орын алып, құтқарушылар қызметі қажет болса, 112 нөміріне хабарласуға болады.

Тақырыптар: ДЧС ВКО Застряли на машине в снегу Оперативно спасательный отряд