ШҚО-да электр жылытқыштың кесірінен екі адам қаза таба жаздады

Өрт Теректі ауылындағы Құдайбергенов көшесінде болған, деп хабарлайды Устинка LIVE тілшісі. Үйде 12 шаршы метр аумақта жиһаз өртенді.

ШҚО ТЖД ақпараты бойынша, үй иесі түтіннен оянып, танысына аудан орталығына қоңырау шалып, өрт туралы хабарлады. Ал ол құтқарушыларды шақырды. Мамандар келгеннен кейін ер адам үйде әйелі бар екенін айтты.

- Үй қара түтінде болды, әйел үйдің бөлмелерінің бірінен табылды, ол еденде күшсіз отырды. Мен оны тез ұстап, таза ауаға шығарып, дәрігерлерге тапсырдым, - дейді қарауыл бастығы Талант Булюкбаев. - Өрттің себебі кереует жанған электр жылытқышы болды.