Семейде автобус жеңіл көлікке соғылды

ШҚО Полиция департаменті хабарлағандай, 13 мамыр күні сағат 18.00 шамасында аурухана маңында апат орын алды.

Yutong маркалы автобус жүргізушісі Дастенов көшесінен шығып бара жатып, қарсы жолақта келе жатқан Audi-ге соғылды. Енді неміс көлігіне жөндеу қажет.

- ЖКО салдарынан автобус жүргізушісі жарақат алып, медициналық көмекке жүгінді, - деп хабарлады мекеме баспасөз қызметі. – 39 жастағы қоғамдық көлік жүргізушісіне қатысты әкімшілік хаттама толтырылды.