Ақтаудағы әуежайда ТЖ орын алды
Төтенше жағдайға байланысты Ақтау әуежайының қызметкерлері жүздеген жолаушыны сыртқа шығаруға мәжбүр болған
3 қаңтар күні таңғы сағат 6.00-де Ақтау әуежайында тоқтың қысқа тұйықталуы орын алды, деп жазды Zakon.kz сайты.
Әуежай өкілдері хабарлағандай, тоқтың қысқа тұйықталуынан шыққан түтін ауа желдету құрылғысы арқылы терминалға кіріп кеткен. Сондықтан да түтін басқан кеңістіктен адамдарды шығару туралы шешім қабылданған. Дегенмен ТЖ аса қауіп тудырмады. Өрт шықпағандықтан, қысқа тұйықтылауды әуежайдың өртке қарсы қызметі ретке келтірді.
Оқиға салдарынан ешкім зардап шеккен жоқ.